प्रहरी हिरासत टेकुमा खाँण दम्पतीको भलाकुसारी

८ जेठ, काठमाडौं । नक्कली भुटानी शरणार्थी प्रकरणमा हिरासतमा रहेका नेपाली कांग्रेसका नेता एंवै पूर्वगृहमन्त्री बालकृष्ण खाँणलाई भेट्न उनकी पत्नी मञ्जु खाँण आज बिहान काठमाडौं प्रहरी परिसर टेकु पुगेकी छन् ।

पूर्वगृहमन्त्री खाँण गत वैशाख २७ गते पक्राउ परेका थिए । उनी पक्राउ परेपछि उनकी पत्नी मञ्‍जु पहिलो पटक भेट्न गएकी हुन् । खाँण लगायतका ३२ जनाको अनुसन्धान प्रतिवेदन सरकारी वकिलको कार्यालयलाई आज बुझाइँदैछ । प्रहरी परिसर काठमाडौंले बालकृष्णलाई भेटेर मञ्‍जु निवास फर्किएकी छन् । 

नक्कली भुटानी शरणार्थी प्रकरणमा पक्राउ परेकाहरूले मञ्‍जुलाई पनि मुछेका थिए । त्यस यता उनी सम्पर्क विहीन भएकी थिइन् । तर सरकारको नीति तथा कार्यक्रम प्रस्तुत हुने दिन उनी संसदमा देखिएकी थिइन् । उनीहरूबीच सञ्चो विसञ्चोबारे कुराकानी भएको थियो । उनी मलिन मुद्रामा टेकु पुगेकी थिइन् ।