बलात्कारको आरोपमा पूर्वक्याम्पस प्रमुख पक्राउ

८ जेठ, काठमाडौं । बलात्कारको आरोपमा प्रहरीले दाङको देउखुरी बहुमुखी क्याम्पसका प्राध्यापक तथा पूर्वक्याम्पस प्रमुख शेषमणि गौतमलाई पक्राउ गरेको छ । 

उनले आइतबार दिउँसो २१ वर्षीया युवतीलाई आफ्नै घरमा बोलाई बलात्कार गरेको आरोप छ । बलात्कारको उजुरीका आधारमा आज उनलाई लमही नगरपालिका–५ रातोडाँडास्थित निवासबाट पक्राउ गरिएको  जिल्ला प्रहरी कार्यालय दाङले जनाएको छ । 

गौतमले युवतीलाई जागिर मिलाइदिने विषयमा बोलाएर बलात्कार गरेको पाइएको छ । अभियुक्त गौतममाथि अदालतबाट म्याद लिएर अनुसन्धान अघि बढाइने प्रहरीले जनाएको छ । गाैतम हाल क्याम्पस सञ्चालक समितिका कोषाध्यक्ष छन्।