वालिङ नगरपालिकाका जनप्रतिनिधिलाई संसदिय बैठक प्रणाली तालिम सम्पन्न

९ जेठ, काठमाडौं । वालिङ नगरपालिकाको सभाहलमा संसदिय बैठक प्रणाली तालिम सम्पन्न भएको छ । वालिङ जेसीजको अयोजनामा कार्यक्रम सम्पन्न भएका हो । वालिङ नगरपालिकाका नवनिर्वाचित जनप्रतिनिधिहरुलाई संसदिय बैठक प्रणाली तालिम दिइएको हो । 

संसदिय बैठक प्रणाली तालिममा प्रमुख अतिथि वालिङ नगरपालिकाका प्रमुख प्रशासकीय अधिकृत तेजराज शर्माले वालिङ जेसीजले महत्वपूर्ण तालिम संचालन गरेको र यसले अव आउने नगरसभा र कार्यपालिका बैठकहरु सव्य हुने विश्वास व्यक्त गरेका थिए । 

नेपाल जेसीजका उपाध्यक्ष तथा वालिङ जेसीजको लागि निरुपित  राष्ट्रिय उपाध्यक्ष चन्द्रमणि भुसालले अव आउने दिनमा पनि वालिङ जेसीजले महत्वपुर्ण र सिर्जनशिल कार्यक्रम गरि यहका युवाहरुको नेतृत्व र व्यक्तित्व विकास गर्नका लागि नेपाल जेसीजले पूर्ण सहयोग रहने र स्थानीय सरकार संगको सहकार्यमा धेरै कामहरु गर्न सकिने बताए, भने कार्यक्रमा विशिष्ट अतिथि मूख्य प्रशिक्षण दिएका सन् १९९७ का राष्ट्रिय अध्यक्ष सिनेटर जेसी रविन्द्र कुमार कर्णले बैठक के हो ? बैठक कसरी संचालन गर्ने ? सफल बैठक कसरी आयोजना गर्न सकिन्छ ? संसदमा कसरी प्रस्तुत हुने? सभामा सभामुखको अध्यक्ष र सदस्यको भुमिका विषयमा प्रशिक्षण दिएका थिए ।

 
उक्त तालिममा  सहभागि वालिङ,गल्याङ, भिरकोट जेसीज र वालिङ नगरपालिकाका जनप्रतिनिधि गरि ८० जना सहभागि रहेका थिए । तालिममा सहभागि जनप्रतिनिधि लगायतले तालिम  प्रभावकारी रहेको र यस्ता कार्यक्रहरु नियमित भए अझै राम्रो हुने बताए ।

वालिङ जेसीजका निर्वतमा अध्यक्ष जेसी धु्रब पंगेनीले स्वागत मन्तव्य, सदस्य पूजा कोइरालाले आस्थापाठ र जेसीजका कानुनी सल्लाहकार यज्ञ पुरुष रिजालले जेसीजको मिसन र भिजन वाचन गरेका थिए, भने कार्यक्रमको अध्यक्षता वालिङ जेसीजका वर्ष २०२३ का अध्यक्ष मणि प्रसाद अर्याले गरेका थिए ।