सरकारको नीति तथा कार्यक्रम संघीयताविरोधी : सिके राउत

९ जेठ, काठमाडौं । जनमत पार्टीका अध्यक्ष एवं सांसद डा. चन्द्रकान्त (सिके) राउतले सरकारले ल्याएको आगामी आर्थिक वर्ष २०८०÷८१ को नीति तथा कार्यक्रम संघीयता विरोधी रहेको बताएका छन् । 

मंगलबार प्रतिनिधिसभाको बैठकमा सरकारको नीति तथा कार्यक्रममा धारणा राख्दै सांसद राउतले सरकारले नीति र कार्यक्रममा संघीयता बिर्सेको बताए । सरकाले मुश्किलले ३ ठाउँमा संघीयता शब्द राखेको भन्दै यसबाट संघीयताविरोधीहरुको मनोबल बढाउने बताए । 

उनले ११ नम्बर बुँदामा मधेशलाई प्राथमिकतामा राखेको पाउँदा खुली लागेको उनले बताए । मधेशमा देशकै कम साक्षर दर रहेको औल्याउँदै मधेशमा लागि बजेटमा विशेष प्याकेज ल्याउन सुझाव दिए । ‘कर्णालीमा भन्दा मधेशमा बढी कुपोषण छ’ उनले भने, ‘सधैं कर्णालीलाई पिछडिएको क्षेत्र उल्लेख गर्दा मधेशको विकराल अवस्थाबारे सरकार अनभिज्ञ बन्न पुगेको उनको भनाइ थियो । 

किसानलाई सरकारले छिटोभन्दा मल उप्लब्ध गराउनु माग गर्दै नीति तथा कार्यक्रममा रमाउने सरकारलाई जनताले नजिकबाट हेरिरहेको बताए । सरकारले ल्याएको ‘एक घर, एक धारा’ मधेशमा कार्यान्वयन गर्ने योजनाबारे उनले प्रश्न गरे । 

सांसद राउतले तत्कालीन माओवादीको.सशस्त्र द्वन्द्वका बेला मुलुकमा रहेका सबै सशस्त्र संघर्षरत समूहलाई राजनीतिक मूलधारमा ल्याउनुपर्नेमा जोड दिए ।

जनमत दल सरकार साझेदार दलहरुमध्ये एक घटक हुन् । संघमा सरकारलाइ समर्थन जनाएपनि सरकारमा सहभागी छैन ।