बजेटपूर्वको छलफल कर्मकाण्डी र औचित्यहीन  ः राष्ट्रिसभा अध्यक्ष तिमिल्सिना

९ जेठ, काठमाडौं । राष्ट्रियसभाका अध्यक्ष गणेशप्रसाद तिमिल्सिनाले सरकारको नीति तथा कार्यक्रममाथि संघीय संसदमा हुने छलफल कर्मकाण्डी भएको बताएका छन् । 

मंगलवार काठमाडौंमा स्पिकर फोरम र एमसीडीएफको संयुक्त आयोजनामा भएको जलवायु परिवर्तनसम्बन्धी नीतिगत बहसमा उनले बजेट लेखिसकेपछि प्रि–बजेटका नाममा हुने छलफलको कुनै औचित्य र अर्थ नरहेको बताए । 

नीति तथा कार्यक्रममाथि पहिला छलफल सदनमा ल्याउन सके समय बर्बाद नहुने बताउँदै बजेटमा त्यही अवस्था दोहोरिने उनले बताए । राष्ट्रपति रामचन्द्र पौडेलले गत शुक्रबार संसदको संयुक्त सदनमा प्रस्तुत गरेका सरकारको आगामी आवको नीति तथा कार्यक्रममाथि संसद दुवै संसद राष्ट्रियसभा र प्रतिनिधिसभामा छलफल भइरहेको छ । यो क्रम आउने बिहीबारसम्म चल्नेछ । 

सरकारले ल्याउने नीति तथा कार्यक्रम नै कार्यान्वन नभइरहेको अहिलेको अवस्थामा ऐन बनाउने विषयमा समस्या रहेको उनको भनाइ छ । कर्मकाण्डी रुपमा गरिने छलफलले मुलुकको समस्या समाधान पनि गर्न नसक्ने उनको जिकिर छ ।