मुख्यमन्त्रीहरुको भेला स्थगित

९ जेठ, काठमाडौं । सात प्रदेशका मुख्यमन्त्रीहरुको भेला स्थगित भएको छ । पोखरामा १० जेठमा आयोजना गरिएको मुख्यमन्त्रीहरुको भेला स्थगित भएको हो । गण्डकी प्रदेशको मुख्यमन्त्री सुरेन्द्र पाण्डेको सविचालयले मंगलबार एक विज्ञप्ति जारी गरी मुख्यमन्त्रीहरुको भेला स्थगित भएको जानकारी दिएको छ ।

यसअघि गण्डकी प्रदेशका मुख्यमन्त्री सुरेन्द्र पाण्डेले अनुभव आदान प्रदान गर्ने भन्दै १० जेठमा मुख्यमन्त्रीको बैठक बोलाएका थिए । बैठक स्थगित गर्नुको कारण भने खुलाइएको छैन ।