सटर फुटाएर चोरी गर्ने एक जना पक्राउ

१० जेठ, काठमाडौं । झापाको शिवगञ्ज बजारमा एकै रातमा चारवटा पसलको सटर फुटाएर चोरी भएका घटनामा संलग्नताको आरोपमा प्रहरीले एकजनालाई प्रहरीले पक्राउ गरेको छ । 

पक्राउ पर्नेमा शिवसताक्षी नगरपालिका–५ स्थित आमवारी टोल निवासी ५६ वर्षीय छविलाल खवास चौधरी रहेका छन् । शिवगञ्ज बजारमा एकै रातमा किराना सहित ४ पसलको सटर फुटाएर श्रृङ्खलावद्ध चोरी भएको थियो ।

घटनाबारे अनुसन्धान गरिरहेको प्रहरीले विशेष सूचनाको आधारमा खवासलाई मंगलबार पक्राउ गरेको हो । खवासको साथबाट चोरीका सामान समेत बरामद भएको जानकारी जिल्ला प्रहरी कार्यालय झापाका डीएसपी खगेन्द्र रिजालले दिए । खवासलाइ हिजै सार्वजनिक गरिएकाे हाे ।

अभियुक्त खवासलाई चोरी मुद्दामा झापा जिल्ला अदालतबाट ७ दिनको म्याद लिएर अनुसन्धान गरिरहेको प्रहरीले जनाएको छ । खवासलाई  इलाका प्रहरी कार्यालय झिलझिलेमा राखिएको छ ।