भुटान शरणार्थी प्रकरणमा दोषी छुट्याइए सदन र सडक तताउने रास्वपाको चेतावनी

१० जेठ, काठमाडौं । राष्ट्रिय स्वतन्त्र पार्टी (रास्वपा)का सभापति एवं सांसद रवि लामिछानेले नक्कली भुटानी शरणार्थी प्रकरणमा अनुसन्धान र मुद्दा चलिरहेका बेला मुख्य ३ पार्टीका नेतृत्वबीच भइरहेको निरन्तर भेटघाट र खासखुसले दोषीलाई कारवाही हुनेमा शंका उत्पन्न भएको बताए ।

कांग्रेस, एमाले र माओवादी केन्द्रबीच खासखुसको गन्धले देश नै गन्हाइसकेको बताउँदै प्रकरणलाई निष्पक्ष तरिकाले टुंग्याउने काममा सरकारबाट खुट्टा कमउने काम सुरु भएको उनको भनाइ थियो । प्रकरणमा प्रधानमन्त्री पुष्पकमल दाहाल ‘प्रचण्ड’ले दबाब र प्रभाव पर्न नदिने र दोषी सबै दोषीलाई कारवाही गर्ने भनेको कुरा आफूलाई स्मरणमा रहेको भन्दै उनले अहिले शंका लागेको बताए ।

उनले प्रधानमन्त्रीको कार्यशैलीमाथि प्रश्न उठाए । प्रकरणमा अनुसन्धानमा जोडिएका उच्च पदस्थहरुमाथि सोधपुछ गर्न प्रधानमन्त्रीको मुटु कामेकोजस्तो आफूलाई लागेको उनको भनाइ थियो । 

‘अहिले मुटु कामेको छ कि छैन त्यो चेक गर्नुपर्ने भयो’ उनले भने, ‘प्रधानमन्त्रीज्यू भन्नुस् कुन अस्पतालमा चेक गर्नुहुन्छ ?’ प्रकरणमा हेलकेत्र्mयाँइ भएमा रास्वपाले सदन र सडक दुवैबाट खबरदारी गर्ने चेतावनी उनले दिए ।