कांग्रेस सांसद चन्द्र भण्डारीले भने, ‘शौभाग्यले बाँचेर आएँ’ [ फोटोफिचर ]

१० जेठ, काठमाडौं । नेपाली कांग्रेसका सांसद चन्द्र भण्डारीले प्रतिनिधिसभा बैठकमा सरकारले ल्याएको नीति तथा कार्यक्रमबारे बोलेका छन्। आगलागीको घटनामा परी घाइते भई लामो समय नेपाल र भारतमा उपचार गराएका कांग्रेस नेता भण्डारी बुधबार प्रतिनिधिसभा बैठकमा उपस्थित भएका हुन् ।

उनलाई सभामुखले विशेष समय उपलब्ध गराएपछि आज नीति तथा कार्यक्रममाथिको छलफलमा भाग लिएका छन् । सम्बोधनका लागि मर्यादापालकहरुको सहारामा रोस्टममा पुगेका भण्डारीले नीति तथा कार्यक्रममाथि आफ्नो धारणा राखेका छन्। 

भण्डारीको नेपालमा उपचार सम्भव नभएपछि मुम्बइस्थित नेशनल बर्न सेन्टरमा उपचार भएको थियो ।  गत फागुन ३ गते बुद्धनगरस्थित निवासमा ग्याँस लिक भई आगलागी हुँदा भण्डारी गम्भीर घाइते भएका थिए। उनकी आमा हरिकला भण्डारीको गत फागुन ४ गते उपचारका क्रममा निधन भएको थियो। 

फागुन ४ मा भण्डारीलाई थप उपचारका लागि भारत लगिएको थियो। उनी भारतको मुम्बईस्थित नेशनल बर्न सेन्टरमा उपचार गराएर गत वैशाख १७ मा स्वदेश फर्किएका थिए। उनको स्वास्थ्यमा अझै पनि सुधारोन्मुख छ । उनले स्वास्थ्य प्रतिकूलताका बीच विशेष समय माग गरेर संसदमा बोलेका हुन् ।

साथै संसदमा बोल्दै भण्डारीले सौभाग्य बाँचेर आएको बताएका छन्। जारी नीति तथा कार्यक्रममाथिको बहसमा भाग लिँदै उनले यो अवस्थामा ल्याएर बोल्ने बनाउने सरकार, सांसद, चिकित्सक सबैप्रति आधार व्यक्त गरेका छन् । उनले देशमा जलनका केस धेरै हुने भएकोले सरकारलाई छुट्टै अस्पताल बनाउन आग्रह गरे।