समानुपातिक सांसद बिन्दबासिनीले लिइन् शपथ

१५ वैशाख, काठमाडौं । राष्ट्रिय स्वतन्त्र पार्टी (रास्वपा)की बिन्दबासिनी कंसाकारले प्रतिनिधिसभा सदस्यको पद तथा गोपनीयताको शपथ लिएकी छन् । 

कंसाकारलाई सिंहदरबारस्थित कानुन समितिको हलमा सभामुख देवराज घिमिरेले पद तथा गोपनीयताको शपथ खुवाएका हुन् । सभामुख घिमिरेले शपथ ग्रहणपछि उनलाई संघीय संसदको लोगो प्रदान गरेका थिए । 

व्यवसायी दुर्गा प्रसाईंसँग मन्त्री बन्न आफूलाई दुई करोड रुपैयाँ चाहिएको भन्दै रकम मागेको फोन संवादको अडियो सार्वजनिक भएपछि कास्कीका ढाकाकुमार श्रेष्ठलाई प्रतिनिधिसभा सदस्यबाट हटाएर रास्वपाले कंसाकारलाई सांसद बनाएको हो ।