प्रचण्ड-बाबुरामविरुद्ध मुद्दा चलाउन माग गरिएको रिट दरपिठ गर्ने आदेशविरुद्ध निवेदन

१८ जेठ, काठमाडौं । नेकपा (माओवादी केन्द्र)का अध्यक्ष समेत रहेका प्रधानमन्त्री पुष्पकमल दाहाल ‘प्रचण्ड’ र तत्कालीन माओवादीका नेता तथा पूर्वप्रधानमन्त्री डा. बाबुराम भट्टराईविरुद्ध युद्ध अपराधमा मुद्दा चलाउन माग गरिएको रिटनिवेदन दर्ताका लागि निवेदन परेको छ ।

काभ्रे घर भएका पूर्वलडाकु लेनिन विष्टसहितले प्रचण्ड र बाबुरामलाई युद्ध अपराधमा मुद्दा चलाउनुपर्ने भन्दै र्गएको शुक्रबार दिएको रिटनिवेदनलाई सर्वोच्चका रजिष्ट्रार नारायण पन्थीले दरपीठ .दर्ता अस्वीकार) गरिदिएका थिए । 

सोही दरपीठ खारेज गरी रिट दर्ताको माग गर्दै आज निवेदन दिइएको हो । निवेदन दर्ता भएको छ । निवेदक विष्टले आफूहरुलाई सानै उमेरका तत्कालीन माओवादी जनयुद्धमा हिँडाएर बाल अधिकारको उल्लंघन गरेको भन्दै युद्धअपराधमा मुद्दा चलाउनुपर्ने दाबी छ ।

निवेदन दर्तापछि छलफलका लागि आउँदो सोमबार बोलाइएको छ । यसअघि उनी अन्तर्राष्ट्रिय अदालतमा मुद्दा हाल्न भन्दै पटकपटक विदेश पनि पुगेका थिए । 

यो पनि पढ्नुहोस