गौर हत्याकाण्ड: प्रधानमन्त्री कार्यालयलाई विपक्षी बनाएर सर्वोच्चमा दर्ता भयो रिट

२१ जेठ, काठमाडौं । रौतहटको गौर हत्याकाण्डविरुद्ध सर्वोच्च अदालतमा मुद्दा दर्ता भएको छ । आइतबार त्रिभुवन साहले प्रधानमन्त्री तथा मन्त्रिपरिषदको कार्यालयलाई विपक्षी बनाएर मुद्दा दर्ता गरेका छन् । 
 
उक्त मुद्दाको पेशी जेठ २२ गते सोमबारलाई तोकिएको छ । २०६४ चैत २७ गते तत्कालीन मधेसी जनाधिकार फोरम र नेकपा माओवादी केन्द्रका कार्यकर्ताबीचको झडपमा २७ जना माओवादी कार्यकर्ता मृत्यु भएको थियो । जसलाई गौर हत्याकाण्ड नामले चिनिदै आएको छ । यसबारे विभिन्न सरकारमा विषय उठेपनि खास कारवाही भने भएको छैन् । 

प्रधानमन्त्री पुष्पकमल दाहाल ‘प्रचण्ड’ले पनि गत मंगलबार एक कार्यक्रममा सरकारले गौर हत्याकाण्ड र राजदरबार हत्या काण्ड लगायतको अनुसन्धान अगाडि बढाउने बताएका थिए । उनले इतिहासका ठूला–ठूला काण्डको फाइल खुलाउने भन्दै योभन्दा ठूल्ठूला भयानक हत्याकाण्डहरुको पनि छानविन गर्नै बताएका थिए ।