संसदमा प्रधानमन्त्रीले उत्तर दिने क्रममा नै प्रतिपक्षले जनायो विरोध

२२ जेठ, काठमाडौं । नागरिकता विधेयकबारे उठेका प्रश्नको प्रधानमन्त्री प्रचण्डले संसदमा जवाफ दिन नभ्याउँदै संसदमा प्रतिपक्षले हंगामा गरेको छ । सोमबार प्रतिनिधिसभाको बैठकमा प्रचण्डले सांसदले उठाएको प्रश्नबारे जवाफ दिँदा दिँदै एमाले सांसदले विरोध गरेका हुन् ।
 
तत्कालीन राष्ट्रपति विद्यादेवी भण्डारीले संसदले दुई पटक पारित गरेर पठाएको विधेयक प्रमाणीकरण नगरी संविधानलाई नै क्राइसिसमा राख्ने काम भएको बताएपछि एमालेका सांसदले विरोध गरेका हुन् ।
 
 ‘हाम्रो संविधानअनुसार सरकार, सदन, यी सबै संस्थाहरू अविछिन्न उत्तराधिकारवाला संस्थाहरू हुन् । के कुनै सांसदहरूलाई यसबारे प्रश्न र शङ्का छ र ?’, प्रचण्डले भने, ‘एउटा सरकारले, नेपाल सरकारले गरेको निर्णय अर्को सरकारले सिधै मान्दिनौ भनेर पाउँदैन ।’ 
 
प्रतिनिधिसभा या सदन पनि अविछिन्न उत्तराधिकारवाला संस्था भएको प्रचण्डको भनाइ छ । एउटा संसदले पारित गरेको विषयलाई अर्को संसदले अन्यथा बाहेक मान्दिनँ भन्न नमिल्ने र नपाउने बताए । 
 
उनले मिचिएको संविधानलाई ट्रयाकमा ल्याउने सबैभन्दा संवैधानिक उपाय एउटा राष्ट्रपतिले संविधानको पालना गर्नुपर्ने दायित्व पुरा नगरेर होल्डमा राखेपछि समस्या भएको बताए । 

त्यस विधेयकलाई फेरि सदनमा ल्याउने भनेको संसदकै अपमान भएको प्रचण्डले बताए । त्यसपछि एमालेले विरोध सुरु गरेको थियो । त्यसपछि एमालेले विरोध सुरु गरेको थियो । त्यसपछि होहल्ला सुरु हुँदै संसदमा अवरुद्ध बन्यो ।