यौन दुर्व्यवहार मुद्दामा मदन राई धरौटीमा रिहा

२२ जेठ, काठमाडौं । यौन दुर्व्यवहारको आरोपमा खोटाङ जिल्ला आदलतमा मुद्दा दायर भएका कृषि ‘वैज्ञानिक’ मदन राई धरौटीमा रिहा भएका छन् ।

जिल्ला अदालतमा खोटाङ सोमबार भएको थुनछेक बहसपछि धरौटीमा रिहा भएका हुन् । जिल्ला न्यायाधीश सुवासबाबु परीको इजलासले उनलाई ४ लाख  रुपैयाँ धरौटीमा रिहा गरेको हो । 

राईविरुद्ध उनी आफैंले संचालन गर्दै आएको शुभद्रा मदन फाउण्डेसनमा रहेका बालिका र किशोरीहरुमाथि यौन दुर्व्यवहार र अश्लिल व्यवहार गरेको अभियोगमा जिल्ला अदालत खोटाङमा मुद्दा दायर भएको थियो ।

मुद्दामाथि भएको सुनुवाइपछि इजलासले राईलाई बालबालिका सम्बन्धी ऐन २०७५ को दफा ६६ को उपदफा ३ (क), (ग) (ङ) अन्तरगतको कसुर गरेको ठहर भएको छ ।

राईलाई वैशाख २९ गते जिल्ला प्रहरी कार्यालय खोटाङले पक्राउ गरेर अनुसन्धान गरेको थियो । अनुसन्धानका क्रममा राईले दूरव्यवहार गरेको स्वीकारेका थिए ।

यो पनि पढ्नुहोस