आजदेखि अभियुक्तहरूको बयानका आधारमा थुनछेक बहस

२४ जेठ, काठमाडौं । नक्कली भुटानी शरणार्थी प्रकरणका अभियुक्त थुनछेक बहस जारी छ । आजदेखि अभियुक्तहरूतर्फका कानुन व्यवसायीहरूले बहस गदैछन् । सरकारी वकिल र जाहेरवालाको तर्फबाट बहस सकिएसँगै अभियुक्तहरूतर्फको बहस हुन थालेको हो । 

गत आइतबारदेखि काठमाडौं जिल्ला अदालतका न्यायाधीश प्रेमप्रसाद न्यौपानेको इजलासमा थुनछेक बहस भइरहेको छ । आजदेखि हुने बहसमा अभियुक्तहरूको बयान लिइएको क्रमका आधारमा हुने छ ।

न्यायाधीश न्यौपानेका अनुसार बयान लिँदाको क्रमका आधारमा आज सुरुमा केशव दुलालका कानुन व्यवसायीले बहस गर्ने छन् । त्यसपछि सानु भण्डारीका कानुन व्यवसायीले बहस गर्ने छन् ।

मंगलबार सरकारी वकिलको बहस सकिएपछि अभियुक्त पक्षका वकिलहरूले बहस सुरु गरेका हुन् । सो बहसका लागि पूर्बमहान्याधिबक्तादेखी नेपाल बार एशोसियनका बहालवाला अध्यक्ष र पूर्बअध्यक्षहरूले बहस गर्नका लागि नाम टिपाएका छन् ।  

यसअघि नै निर्धारण भएको बहसको सयमअनुसार सरकारी वकिलले तीन दिनको बहस सकिएपछि अभियुक्त पक्षका वकिलहरुले आजबाट बहस सुरु गर्न लागेको हुन । अभियुक्त पक्षका वकिलका लागि भने बहसका लागि ६ दिनको समय दिइनेछ ।

जिल्ला अदालत काठमाडौंमा जारी थुनछेक बहस सकिएपछि अभियुक्तहरूलाई थुनामा राखेर मुद्दा चलाउने वा धरौटीमा रिहा गर्ने भन्ने आदेश दिनेछ । 

गत आइतवार देखी जारी बहसका क्रममा सरकारी वकिलले अभियुक्तहरू शक्तिशाली पहुँच भएका व्यक्तिहरू भएको हुदाँ उनीहरू बाहिर आए मुद्दा प्रभावित पार्न सक्ने भन्दै पुर्पक्षका लागि थुनामै राख्नुपर्ने  तर्क राख्दै आएका छन् ।