नेसनल हाइड्रोपावरले हकप्रद शेयरको बुक क्लोज मिति तोक्यो

२४ जेठ, काठमाडौं । नेसनल हाइड्रोपावर कम्पनीले हकप्रद शेयरको लागि बुक क्लोज मिति तोकेको छ । बुधबार बसेको कम्पनीको सञ्चालक समितिको बैठकले १ असारमा बुक क्लोज गर्ने निर्णय गरेको छ ।

तसर्थ, जेठ ३२ गतेसम्म कायम शेयरधनीले कम्पनीले जारी गर्न लागेको ५० प्रतिशत हकप्रद शेयरमा आवेदन दिन सक्नेछन् । कम्पनीले १०ः५ अनुपातमा ८२ करोड २१ लाख ४५ हजार ९७१.७८ रुपैयाँ बराबरको ८२ लाख २१ हजार ४५९.७१७८ कित्ता हकप्रद शेयर बिक्री गर्न लागेको हो । 

कम्पनीले हाल कायम १ अर्ब ६४ करोड ५५ लाख १६ हजार रुपैयाँ चुक्ता पुँजीमा हकप्रद बिक्री गर्न लागेको हो । यसमा मुक्तिनाथ क्यापिटलले बिक्री प्रबन्धकको काम गर्नेछ ।

कम्पनीले हकप्रद शेयर बिक्री गर्न धितोपत्र बोर्डमा अनुमति दिएको छ । अब बोर्डबाट हकप्रद शेयर बिक्री अनुमति पाएपछि कम्पनीको हकप्रद निष्कासन प्रक्रिया अघि बढ्नेछ ।