काठमाडौं जिल्ला अदालतमा कामु प्रधानन्यायाधीशको मिटिङ

२५ जेठ, काठमाडौं । कायममुकायम प्रधानन्यायाधीश हरिकृष्ण कार्की काठमाडौँ जिल्ला अदालत बबरमहल पुगेर मिटिङ गरेका छन् ।

बिहीबार कार्की जिल्ला अदालत काठमाडौँको पाँचौ तलामा पुगेर न्यायाधीशहरुसँग मिटिङ गरेका हुन् । अदालतको दैनिक प्रशासिनक विषयमा आवश्यक जानकारी र ब्रिफिङका लागि कार्की अदालत पुगेको बताइएको छ । 

कामु प्रन्या कार्की जिल्ला अदालत पुग्दा सोही भवनको एक इजलासमा नक्कली शरणार्थी मुद्दामा सुनुवाइ चलिरहेको थियो । मिटिङमा कामु प्रन्याले अदालतसँग सम्बन्धित विषयमा जानकारी लिएका थिए । मुद्दा सुनुवाइ गरिरहेका न्यायाधीश प्रेमप्रसाद न्यौपाने भने सहभागी भएनन् । 

सरकारले प्रधान न्यायाधीश नियुक्तिका लागि सिफारिस गरिसकेको छ । नियुक्ति गरिनुअघि संसदीय सुनुवाइका लागि उनीविरुद्ध उजुरी आह्वान भएको अवस्था छ । प्रधानन्यायाधीश सरकारको सिफारिसमा राष्ट्रपतिबाट हुने व्यवस्था छ ।