जिल्ला निर्वाचन कार्यालय खारेजीबारे निर्वाचन आयोगको राजनीतिक दलहरुसँग छलफल

२६ जेठ, काठमाडौं । जिल्ला निर्वाचन कार्यालयको खारेजीबारे निर्वाचन आयोगले राजनीतिक दलहरूसँग छलफल गर्दैछ । निर्वाचन कार्यालय खारेजीबारे विभिन्न क्षेत्रबाट सरकारमाथि प्रश्न उठेको छ ।  

अर्थमन्त्री प्रकाशशरण महतले आर्थिक बर्ष २०८०/८१ को बजेट वक्तव्यमार्फत जिल्ला निर्वाचन कार्यालय खारेज गरे पछिको अवस्थाका बारेमा जानकारी गराउन निर्वाचन आयोगले राजनीतिक दलका नेताहरूलाई छलफलमा बोलाएको हो ।

आयोगका प्रवक्ता शालिग्राम शर्मा पौडेलका अनुसार शुक्रबार बिहान साढे ११ बजे बैठक बस्ने गरी राजनीतिक दलहरूलाई बोलाइएको छ । उनका अनुसार सो क्रममा जिल्ला निर्वाचन कार्यालय खारेजीसँग विभिन्न विषयमा छलफल हुनेछ । 

आज निर्वाचन कानुनको विधेयक, स्थानीय तहसँगको सहकार्यमा मतदाता नामावली संकलन गर्ने, विदेशमा रहेका नेपाली नागरिकको मतदाता नामावली संकलन र राजनीतिक दलका लेखापरीक्षणको सम्बन्ध लगायतमा  छलफल हुनेछ ।