साजन जी घर आएमा सलमानको डुप्लिकेटअभिनय

 
२७ जेठ, मुम्बई । फिल्म ‘कुछ कुछ होता हे’ जति सफल भयो, यसमा रहेका गीत दर्शकमाझ उत्तिकै लोकप्रिय बने । फिल्मको शीर्ष गीत होस् या ‘साजन जी घर आए’ दर्शकको मुखमा अहिले पनि झुण्डिरहेको छ ।

यी गीतलाई बलिउडमा अहिले पनि ‘आइकनिक ट्रयाक’ मानिन्छ । गीत ‘साजन जी घर आए’मा सलमान खानको अभिनय छ । यो गीतको कोरियोग्राफर फराह खानले गीतको अधिकांश दृश्यमा सलमानको डुब्लिकेटले अभिनय गरेको खुलासा गरेकी छन् ।

फिल्मका केही दृश्यमा सलमानले अमन चरित्रमा अभिनय गरेका छन् । फराहका अनुसार सलमानको डुब्लिकेट रितले गीतमा नृत्य गरेका थिए । ‘रितजी निकै क्युट थिए । म भन्छु कि साजन जी घर आए मा सलमानको आधा गीत सलमानको डुब्लिकेट बनेर रितजीले पुरा गरे ।

किनकी सलमान दुई तीन घण्टाका लागि मात्र आउँथे । बाँकी ब्याक सट, टप सट, वाइड सट सबै रितले गर्थे’, उनले भनेकी छन् ।