अदालतमा अभियुक्तको थुनछेक बहस आज पनि जारी रहने

२८ जेठ, काठमाडौं । नक्कली भुटानी शरणार्थी प्रकरणमा बाँकी आरोपीको थुनछेक बहस जारी रहनेछ । शुक्रबारसम्म सात जना अभियुक्तको थुनछेक बहस सकिएको छ । आज अभियुक्तमध्येका सन्दीप रायमाझीका कानुन व्यवसायले बहस गर्नेछन् ।

काठमाडौं जिल्ला अदालतका न्यायाधीश प्रेमप्रसाद न्यौपानेको इजलाशमा थुनछेक बहस भइरहेको छ । शुक्रबारसम्म अभियुक्तमध्येका केशव दुलाल, सानु भण्डारी, सागर राई, सन्देश शर्मा, टंक गुरुङ, इन्द्रजित राई र टोपबहादुर रायमाझीका कानुन व्यवसायीहरूले बहस गरेका छन् । कानुन व्यवसायीहरूले आफ्ना पक्षलाई साधारण तारेख वा सामान्य धरौटी माग गरिरहेका छन् ।