प्रधानमन्त्री प्रचण्ड र बाबुरामविरूद्ध रिट दर्ता, मंगलबार सुनुवाइ

२८ फागुन, काठमाडौं । नेकपा माओवादी केन्द्रका अध्यक्ष एवं प्रधानमन्त्री पुष्पकमल दाहाल प्रचण्ड र पूर्वप्रधानमन्त्री डा. बाबुराम भट्टराईलाई विपक्षी बनाइएको रिट सर्वोच्च अदालतमा दर्ता भएको छ ।

उनीविरूद्धको रिट सर्वोच्च अदालतमा दर्ता भएको अदालत प्रशासनले जनाएको छ । रिटको पेसी आउँदो मङ्गलबारका लागि तोकिएको छ । रिटमा माओवादी केन्द्रले जनयुद्धमा बाल सेनाको योगदानको अवमूल्यन गरेको आरोप रहेको छ । 

सर्वोच्चले यसअघि प्रधानमन्त्री प्रचण्ड विरुद्ध सर्वोच्च अदालतमा पेश भएको रिट निवेदन दर्ता गर्न आदेश दिएको छ । अदालत प्रशासनले रिट निवेदन दर्ता नगर्ने निर्णय गरे पनि उक्त निर्णय बदर गर्दै सर्वोच्चले रिट निवेदन दर्ता गर्न आफ्नो प्रशासनलाई आदेश दिएको थियो ।