गौर हत्याकाण्डसम्बन्धी रिटमा भएन सुनुवाइ

२९ जेठ, काठमाडौं । सर्वोच्च अदालतमा गौर हत्याकाण्डसम्बन्धी मुद्दामा आज पनि सुनुवाइ भएन । न्यायाधीश कुमार रेग्मीको एकल इजलासमा सुनुवाइ हुने गरी पेसी तोकिए पनि ‘बेञ्च बस्न नभ्याएको’ सर्वोच्च प्रशासनले जनाएको छ । 

जेठ २१ गते त्रिभुवन साहले जिल्ला प्रहरी कार्यालय रौतहट गौर, जिल्ला सरकारी वकिल कार्यालय रौतहट गौर समेतलाई विपक्षी बनाएर रिट निवेदन दर्ता गराएका थिए ।यसअघि उक्त मुद्दामा सुनुवाइका लागि जेठ २२ गते पनि पेसी तोकिएको थियो । तर त्यसदिन ‘हेर्न नभ्याइने’ सूचीमा राखिएको थियो ।

२०६४ चैत २७ गते तत्कालीन मधेसी जनाधिकार फोरम र नेकपा माओवादी केन्द्रका कार्यकर्ताबीचको झडपमा २७ जना माओवादी कार्यकर्ताको निर्मम हत्या भएको थियो ।