प्रधानमन्त्री प्रचण्ड पत्नी सीतालाई अस्पताल लगियाे

२९ जेठ, काठमाडौं । प्रधानमन्त्री पुष्पकमल दाहाल ‘प्रचण्ड’ पत्नी सीता दाहाललाई उपचारका लागि अस्पताल लगिएको छ । उनलाई थापाथलीस्थित नर्भिक अस्पतालमा इमर्जेन्सी कक्षमा राखिएको छ । 

सीता प्रोग्रेसिभ सुपरान्युक्लियर पाल्सी (पीएसपी) रोगबाट लामो समयदेखि सिकिस्त बिरामी छिन् । पीएसपीले मानिसको शारीरिक र मानसिक अवस्था असन्तुलित बनाउने चिकित्सकहरुले बताएका छन् । 

यसअघि सीतालाई ४ असार २०७५ मा सिंगापुर लगिएको थियो । सुधार नभएपछि ३ चैतमा अमेरिकाको जोन्स हप्किन्स अस्पतालमा उपचार गरिएको थियो । 

लामो समय ललितपुरको मेडिसिटी अस्प्तालमा राखेर उपचार समेत गरिएको थियो । उल्लेख्य सुधार हुन सकेको छैन । अर्धचेत अवस्थामा छिन् । पछिल्लो समय उनलाई प्रधानमन्त्रीको सरकारी निवास बालुवाटारमा चिकित्सकहरूको निगरानीमा राखिँदै आएको छ ।