महालक्ष्मी विकास बैंकको ९ लाख ४७ हजार कित्ता संस्थापक शेयर बिक्रीमा

३० जेठ, काठमाडौं । महालक्ष्मी विकास बैँकका संस्थापक शेयरधनीले ९ लाख ४७ हजार ३९२ कित्ता शेयर बिक्री खुला गरेका छन् । यसमा महालक्ष्मी बैँकका संस्थापक शेयरधनी मात्र आवेदन दिन पाउनेछन् ।

संस्थापकले नकिनेमा मात्र सर्वसाधारणले किन्न पाउने गरी फेरि आवेदन खुला गरिनेछ । सेयर खरिद गर्न इच्छुक व्यक्तिले सूचना सार्वजनिक भएको ३५ दिन भित्र बैँकको केन्द्रीय कार्यालय दरबारमार्ग, काठमाडौंमा पुग्ने गरी आवेदन दिनुपर्नेछ ।