काठमाडौंमा खुकुरी प्रहार गरी भाइले लिए दाइको ज्यान

३० जेठ, काठमाडौं । काठमाडौंको ओमबहालस्थित माथेमा चोकमा भाइले गरेको खुकुरी प्रहारबाट दाइको ज्यान गएको छ ।

गएराति भएको घरायसी विवादमा २५ वर्षीय सुरज शाक्यले ४५ वर्षीय दाजु सूर्य शाक्यमाथि खुकुरी हानेका थिए । सुतेको अवस्थामा टाउकोमा भएको प्रहारबाट सूर्यको घटनास्थलमै मृत्यु भएको थियो । 

खुकुरी प्रहारपछि फरार भएका सुरजलाई प्रहरीले आज बिहान १० बजेतिर प्रहरीले सिघलबाट पक्राउ गरेको छ । अभियुक्त सुरजलाई जनसेवा प्रभागमा राखिएको छ । हत्या गरिएका सूर्यको शव पोष्टमार्टमका लागि त्रिवि शिक्षण अस्पताल महाराजगञ्जमा पठाइएको प्रहरीले जनाएको छ ।