प्रधानमन्त्रीको स्वास्थ्य अवस्था सामान्य रहेकाे नर्भिककाे विज्ञप्ति

३० जेठ, काठमाडौं । प्रधानमन्त्री पुष्पकमल दाहाल ‘प्रचण्ड’को स्थास्थ्य रिपोर्टले उनको स्वास्थ्य अवस्था सामान्य रहेको देखाएको छ । सोमबार पत्नी सीतालाई नियमित उपचारका लागि थापाथलीस्थित निजी क्षेत्रद्वारा अस्पताल नर्भिक इन्टरनेशनल हस्पिटल पुर्याउने क्रममा प्रधानमन्त्री प्रचण्डले पनि आफ्नो स्वास्थ्य परीक्षण गराएका थिए । 

परीक्षण रिपोर्टबारे आज अस्पतालले विज्ञप्ति जारी गर्दै प्रधानमन्त्री प्रचण्डको स्वास्थ्य अवस्था सामान्य रहेको जनाएको छ । प्रधानमन्त्रीले सोमबार दिउँसो ३ः४० बजे स्वास्थ्य जाँच गराएको र डेढ घण्टासम्म जाँच गरिएको विज्ञप्तिमा उल्लेख छ ।

‘सो क्रममा सम्मानीय प्रधानमन्त्रीज्यूको स्वास्थ्य अवस्था सामान्य देखिएको जानकारी गराउन चाहन्छौं’ अस्पतालमा प्रवक्ता सोमनाथ बास्तोलाद्वारा मंगलबार जारी विज्ञप्तिमा भनिएको छ ।