संशाेधित नागरिकता ऐन पक्षधर आन्दोलनकारीद्वारा माइतीघर मण्डलमा आत्मदाह प्रयास

३० जेठ, काठमाडौं । काठमाडौंको माइतीघर मण्डलमा नागरिकता ऐनको माग गर्दै आन्दोलन गरिरहेकामध्ये एक जनाले आत्मदाह प्रयास गरेका छन् ।

नागरिकता माग गर्दै जारी राखिएको आन्दोलनका क्रममा थुप्रै युवकयुवती धर्ना बसेका छन् । धर्नाकै क्रममा माेरङका निरजकुमार कामतले जिउमा पेट्रोल खन्याएर आगो लगाएर आत्मदाहको प्रयास गरेका हुन् । आगोले उनको शरीर केही भाग जलेको बताइएको छ । उनलाई प्रहरीले उद्धार गरी वीर अस्पतालको ट्रमा सेन्टर लगिएको छ । 

धर्नामा बसेका ति युवकले शरीरमा पेट्रोल छर्केर आगो लगाई आत्मदाहको प्रयास गरेको जिल्ला प्रहरी परिसर काठमाडौंले पुष्टि गरेको छ । घटना क्षेत्रमा अहिले बाक्लो संख्यामा प्रहरी परिचालन गरिएको छ ।