धनुषामा महिला हत्याको आरोपमा २२ वर्षीय युवक पक्राउ

२९ जेठ, काठमाडौं । धनुषामा एक महिलाको हत्या गरेको आरोपमा प्रहरीले बाराको कलैया नगरपालिका–१८ का २२ वर्षीय ओमलाल मण्डललाई पक्राउ गरेको छ । आरोपी मण्डलले धनुषाको मिथिलाबिहारी नगरपालिका–८ तारापट्टीकीका ४२ वर्षीया उषा दासको जेठ २० गते हत्या गरेको प्रहरीको भनाइ छ । 

जिल्ला प्रहरी कार्यालय धनुषाले मण्डललाई चितवनबाट पक्राउ गरी ल्याएर मंगलबार सार्वजनिक गरेको छ । 
कर्तव्य ज्यान मुद्दामा जिल्ला अदालतबाट म्याद लिएर अनुसन्धान भइरहेको धनुषा प्रहरीले जनाएको छ । मण्डलले दासको हत्यापछि उनकै घरनजिक खाल्डो खनेर पुरिएको अवस्थामा शव फेला पारिएको थियो । शव पोस्टमार्टमका लागि प्रादेशिक अस्पताल जनकपुरमा राखिएको छ ।