अत्तरखेलस्थित नेपाल मेडिकल कलेजको ओपीडी सेवा अनिश्चितकालका लागि बन्द

३० जेठ, काठमाडौं । बिरामीका आफन्तले अस्पतालमा तोडफोड र स्वास्थ्यकर्मीहरुमाथि कुटपिटको धम्की दिएको भन्दै गोकर्णेश्वर नगरपालिकाकाे अत्तरखेलमा संचालित नेपाल मेडिकल कलेजले ओपीडी सेवा अनिश्चितकालका लागि बन्द गरेको छ । 

शुत्रबार अस्पताल प्रशासनले एक सूचना निकालेर तोडफोडमा संलग्नलाई पक्राउ गरी कारवाही तथा स्वास्थ्यकर्मीमाथि कुटपिटको धम्की दिनेहरुलाई कानूनी दायरामा नल्याउँदामा इमरजेन्सी सेवाबाहेक आपीडी (बहिरंग)का सम्पूर्ण सेवा अनिश्चितकालका लागि बन्द गरिएको जनाएको छ । 

यही जेठ २८ गते गोकर्णेश्वर नगरपालिका–७१ माकलबारीका वर्षीय सुवर्णकुमार धिताल पित्तथैलीको शल्यक्रिया लागि भर्ना भएकामा दुई दिनपछि  ३० जेठमा धितालको अपतालमा मृत्यु भएको थियो । 
सोही विषयलाई लिएर मृतकका आफन्तले अस्पताल हाताभित्र नाराजुलुस, हुलहज्जत गरी अस्पताले तोडफोड र चिकित्सक, नर्स तथ कर्मचारीलाई कुटपिट गर्ने धम्कीसहित अपशब्द प्रयोग गरी शान्ति सुरक्षा बिथोलेको प्रशासनको दाबी छ । 

मृतकका धितालका आफन्तबाट अस्पतालमा कार्यरत चिकित्सकीय सेवा प्रदायक चिकित्सक तथा अन्य कर्मचारीलाई कुटपटि गर्ने अप्रिय शब्द प्रयोग गरी अस्पताल सुचारु हुन नदिने काम भएको जनाउँदै अस्पतालले भनेको छ। ‘तत्काल यस्ता अवाञ्छित तत्वहरुलाई नियन्त्रणमा लिई कारवाही हुन र स्वास्थ्यकर्मी तथा स्वास्थ्य संस्थाको सुरक्षाको प्रत्याभूति नभएसम्म यस अस्पतालको इमर्जेन्सीबाहेक सम्पूर्ण ओपीडी सेवा अर्को सूचना जारी नभएसम्मका लागि स्थगित गरिएको छ ।’