मेयर हर्क राईविरुद्धको रिटमा उच्च अदालतद्वारा अल्पकालीन अन्तरिम आदेश

३१ जेठ, मोरङ । उच्च अदालत विराटनगरले सुनसरीको धरान उपमहानगरपालिकाका प्रमुख हर्क सम्पाङविरुद्ध दायर रिट निवेदनमाथि अल्पकालीन अन्तरिम आदेश जारी गरेको छ ।

धरान खानेपानी बोर्डको सदस्यमात्र रहेका साम्पाङले नियमविपरीत अध्यक्ष सरह काम गर्दै आएको भन्दै परेको रिटमाथि उच्च अदालतले अल्पकालीन अन्तरिम आदेश जारी गरेको हो । धरान खानेपानी बोर्ड अध्यक्षविहीन रहेको छ ।

हर्कविरुद्ध खानेपानी बोर्डका सदस्य विजय श्रेष्ठलगायतले खानेपानी बोर्डको बैठक नबोलाई हर्कले एकलौटी रुपमा काम गरेको भन्दै उच्च अदालत विराटनगरमा रिट दायर गरेका थिए । 

अदालतका न्यायाधीश मुरारीबाबु श्रेष्ठको इजलासले जारी गरेको उक्त आदेशमा रिटका दुवै पक्षलाई छलफलका लागि जेठ ३२ गते बोलाएको छ ।