संसद भवनअगाडिबाट नेविसंघका कार्यकर्ता पक्राउ

३१ जेठ, काठमाडौं । उच्च शिक्षा ऐन २०७६, संघीय शिक्षा ऐन लगायतका ऐनको माग गर्दै नयाँबानेश्वरस्थित संसद भवनअगाडि प्रदर्शन गर्ने नेविसंघका दर्जन विद्यार्थी नेतालाई प्रहरीले पक्राउ गरेको छ ।

बुधबार दिउँसो उनीहरुले प्रदर्शन गरेका थिए । पक्राउ पर्नेमा नेपाल विद्यार्थी संघ आवद्ध त्रिचन्द्र क्याम्पससहित उपत्यकाका विभिन्‍न क्याम्पसका नेविसंघ आवद्ध विद्यार्थी रहेका छन् । 

नेविसंघका अनुसार गोविन्द कोइराला, सजन तामाङ, जेनिस काफ्ले, राजन रोकाया, गगन राज गजुरेल, सुदिप शाह, मन्दिप शाह, उत्सव सुवेदी, मौसम न्यौपाने, रबिन तिवारी, गणेश सार्की, रबिन कार्कीलगायत विद्यार्थी नेताहरु रहेका छन् । पक्राउ परेका सबैलाई वानेश्वर प्रहरी वृतमा राखिएको छ । कागज गरेर छाड्ने तयारी प्रहरीले गरेको बुझिएको छ ।