टेकनाथ रिजाल र महर्जन दम्पतीको थुनछेक बहसमा १९ अधिवक्ता सहभागी

 ३२ जेठ, काठमाडौं । जिल्ला अदालत काठमाडौंमा चलिरहेको थुनछेक बहस आज सकिँदैछ । आजको बहसमा टेकनाथ रिजालका पक्षबाट १६ जना र  हरिभक्त महर्जनका तर्फबाट दुई र उनकी पत्नी लक्ष्मी महर्जनका तर्फबाट १ अधिवक्ताले बहस गर्दैछन् । उनीहरू तीन जनाको थुनछेक बहस खाजा समयभन्दा अगाडि सक्न भनिएको छ ।

न्यायाधीश प्रेमप्रसाद न्यौपानेले आज जसरी पनि बहस सक्न निर्देशन दिएका छन् । प्रतिवादीका वकिलहरूको बहस सकिएपछि सरकारी वकिलका तर्फबाट जवाफी बहस गर्न लगाएर उनले थुनामा राखी मुद्दाको पुर्पक्ष गर्ने कि धरौटी वा साधारण तारिखमा छाडेर मुद्दा किनारा लगाउने भन्ने आदेश हुनेछ । 

इलजाशमा बुधबार पूर्वगृहमन्त्री बालकृष्ण खाँण, नेपाल हज समितिका अध्यक्ष शमशेर मियाँ र पूर्वसांसद आङ्टावा शेर्पाका कानुन व्यवसायीहरूले बहस गरेका थिए । प्रतिवादीका तर्फबाट हालसम्म बहस ७६ कानुन व्यवसायी बहस गरेका छन् । अधिकांशले कानुनी तर्क र जिरहभन्दा अभियोजन गर्ने सरकारी वकिल र अनुसन्धान गर्ने प्रहरी अधिकारीलाई गाली गरेर बहस गरेका छन् ।