नेपाली बजारमा सुनको मूल्य ह्वातै घट्यो, कतिमा हुँदै छ किनबेच ?

३२ जेठ, काठमाडौं । बिहीबार सुनको मूल्य प्रति तोलामा ८ सय रूपैयाँले घटेको छ । नेपाल सुनचाँदी व्यवसायी महासङ्घका अनुसार बुधबार प्रति तोला १ लाख ११ हजार ८०० रूपैयाँमा कारोबार भएको छापावाल सुनको भाउ बिहीबार घटेर १ लाख ११ हजार रूपैयाँमा झरेको हो ।

त्यस्तै, तेजावी सुन यसअघि प्रति तोला १ लाख ११ हजार २५० रूपैयाँमा कारोबार भएकोमा बिहीबार १ लाख १० हजार ४५० रूपैयाँमा कारोबार हुनेछ । 

यता, चाँदीको भाउ पनि प्रति तोला २० रूपैयाँ घटेको महासङ्घले जनाएको छ । बुधबार प्रति तोला १ हजार ४२५ रूपैयाँ पर्ने चाँदीलाई बिहीबार १ हजार ४०५ रूपैयाँ मात्रै पर्ने भएको छ ।