समाजवादी मोर्चामा सहभागी हुने एकीकृत समाजवादीको निर्णय

१ असार, काठमाडौं । सत्तारुढ दल नेकपा (एकीकृत समाजवादी) पार्टी समाजवादी मोर्चामा सहभागी हुने निर्णय गरेको छ । सहभागिताबारे निर्णय लिन सचिवालयको बैठक शुक्रबार केन्द्रीय कार्यालय आलोकनगरमा बसेको थियो । बैठकले समाजवादी मोर्चामा सहभागी हुने निर्णय भएको पार्टीका उपमहासचिव एवं प्रवक्ता जगन्नाथ खतिवडाले जानकारी दिए ।

आउने हप्ता माओवादी केन्द्र, जसपा र एकीकृत समाजवादी मिलेर मोर्चा घोषणा गर्ने भएको छ । मोर्चा घोषणा आजै गर्ने भनिएपनि तयारी नपुगेको भन्दै पछाडि सारिएको हो । मोर्चा बनेपछि ३ दलका सांसद जोड्दा ५४ पुग्नेछन् । माओवादी केन्द्र ३२, जसपा १२ र एकीकृत समाजवादीसँग १० सांसद छन् ।