दुर्गम क्षेत्रमा चिकित्सक पठाउन सरकारलाई संसदीय समितिको निर्देशन

१ असार, काठमाडौं । संसदीय समितिले दुर्गम क्षेत्रमा चिकित्सक र नर्सको व्यवस्थापन तत्काल गर्न सरकारलाई निर्देशन दिएको छ । 

शुक्रबार बसेको शिक्षा, स्वास्थ्य तथा सूचना प्रविधि समितिको बैठकले काजमा कर्मचारी बस्ने प्रवृत्ति हटाइ दुर्गम स्थानमा रिक्त रहेका दरबन्दीमा डाक्टर र नर्सहरूको तत्काल व्यवस्थापन गर्न स्वास्थ्य तथा जनसंख्या मन्त्रालयलाई १२ बुँदे निर्देशन निर्देशन दिएको हो । समितिले १२ बुँदे निर्देशन कार्यान्वयन गर्न मन्त्रालयलाई भनेको छ ।

दक्ष चिकित्सक र नर्सको अभावमा ग्रामीण भेगका विकट बस्तीमा बालबालिकादेखि सुत्केरीसम्मले अकालमै जयन गुमाउनुपर्ने विवशता छ ।