बलात्कार आरोपित उपप्राध्यापक शर्मा जेल चलान

१ असार, काठमाडौं । बलात्कार अभियोगमा न्यायिक हिरासतमा रहेका दाङको देउखुरीस्थित बहुमुखी क्याम्पसका उपप्राध्यापक ५५ वर्षीय शेषमणि गौतम शर्मा पुर्पक्षका लागि कारागार चलान भएका छन् । 

देउखुरीकै एक प्राविधिक कलेजमा अध्ययन गर्दै आइरहेकी एक २२ वर्षीया छात्रालाई जागिरको प्रलोभन देखाएर एक जना  आफ्नै घरमा बोलाएर बलात्कार गरेको आरोपमा जेठ पहिलो साता पक्राउ परेका पूर्वक्याम्पस प्रमुखसमेत रहेका शर्मालाई शुक्रबार जिल्ला अदालतले पुर्पक्षका लागि थुनामा पठाउन आदेश दिएको हो । 

शर्माको घर नजिकै  लमही नगरपालिका–५ रातोडाँडामा कोठा भाडामा बस्दै आएकी ती छात्रालाई क्याम्पस सञ्चालक समितिका कोषाध्यक्षसमेत रहेका शर्माले दिउँसो आफ्नो घरमा बोलाई बलात्कार गरेको किटानी जाहेरी परेपछि उनी पक्राउ परेका थिए । शर्माले श्रीमती घरमा नभएको बेला पारेर छात्रालाई बोलाएर करिणी गरेको खुलेको छ ।