नक्कली शरणार्थी मुद्दामा खाँण र रायमाझीसहित १६ जना जेल चलान

१ असार, काठमाडौं । नक्कली शरणार्थी प्रकरण मुद्दामा पूर्वमन्त्रीद्वय बालकृष्ण खाँण , टोपबहादुर रायमाझी र सचिव टेकनारायण पाण्डेसहित १६ जनालाई कारागार चलान गर्न आदेश भएको छ । 

जिल्ला अदालत, काठमाडौंका न्यायाधीश प्रेमप्रसाद न्याैपानेको इजलासले शुक्रबार उनीहरूलाई पुर्पक्षका लागि कारागार थुनामा राख्न आदेश गरेको हो । 

प्रतिवादी लक्ष्मी महर्जन र टंक गुरूङलाई भने धरौटीमा छाड्न आदेश भएको छ । उनीहरूलाई जनही ५ लाख र १० लाख  रूपैयाँ धराैटी लिएर थुनामुक्त गर्न आदेशभएकाे छ ।

ती मध्ये १८ जना मात्र पक्राउ परेका थिए । प्रतिवादीहरूविरुद्ध कैद सजाय र २८ करोड भन्दा बढी बिगो दाबी गरिएको छ ।