नेपालमा भेटियो मंकीपक्स भाइरस, सर्तकता अपनाउन आग्रह

१ असार, काठमाडौं । नेपालमा पनि मंकीपक्स भाइरस फेला परेको छ । स्वास्थ्य तथा जनसंख्या मन्त्रालयका अनुसार ६० वर्षीया विदेशी महिलामा एमपक्स अर्थात मंकीपक्स (सरुवा रोग) संक्रमण भएको हो । 

एमपक्ससँग मिल्दोजुलो शंकास्पद लक्षण देखिएपछि काठमाडौंको टेकुस्थित राष्ट्रिय जनस्वास्थ्य प्रयोगशाला, टेकुमा परीक्षण गर्दा शुक्रबार यो रोग पुष्टि भएको हो ।

सरुवा रोग भएकाले स्वास्थ्य मन्त्रालयले सतर्कता अपनाउन सर्वसाधारणसँग आग्रह गरेको छ । 

यो रोगको लक्षण शरीरको जुनसुकै भागको छालामा पोका उठ्ने र चिलाउने, तत्काल फैलिने जनाइएको छ । रोग उपचार महंगो रहेको बताइएको छ ।