वर्षाले खेल रोकिएपछि अंक बाड्दै एसिया कप प्रतियोगितबाट नेपाल बाहिरियो

२ असार, काठमाडौं । अन्तिम समयमा आएर नेपाल र हङकङ बीच हुने भनिएको खेल रद्द हुन पुगेको छ । एसीसी वुमन्स इमर्जिङ टिम्म एसिया कपको अन्तिम खेलमा मैदानमा जान लागेकै बेला सुरु भएको वर्षाको कारण हङकङ र नेपालबीचको खेल रद्द भएको हो ।

जसका कारण आज पनि वर्षाको कारण खेल हुन नसकेपछि दुवै टोलीले १–१ अंक बाँडन विवश भएका थिए । साथै, समान अंक बाँडेका दुवै टोली एकैपटक प्रतियोगिताबाट बाहिरिएका छन् ।

आज खेल रद्द भएसँगै सो समुहबाट तेस्रो स्थानमा रहँदै नेपाल बाहिरिएको हो भने नेपालसँग खेल रद्द भए पछि हङकङ भने ३ खेलमा २ अंकका साथ पुछारमा रहेर बाहिरिएको हो ।

नेपाल पहिलो खेलमा पाकिस्तानसँग ९ रनले पराजित भएको थियो भने बर्षाको कारण खेल रद्द भए पछि भारतसँग अंक बाँड्नु परेको थियो । नेपाल ३ खेलमा १ मा हार र दुई खेलमा अंक बाँड्दै २ अंकका साथ तेस्रो स्थानमा रहेर बाहिरिएको नेपाल क्रिकेट संघले जानकारी दिएको छ । 

सो समुहका भारत र पाकिस्तान भने समान दुई खेलमा एकमा जित र एक खेलमा अंक बाँड्दै ३–३ अंकका साथ शीर्ष र दोस्रो स्थानमा छन् ।