नेपालमा पहिलो पटक मानिसमा देखियो मंकीपक्स, संक्रमण फैलिए के हुन्छ ?

२ असार, काठमाडौं । नेपालमा पहिलो पटक मंकीपक्स भाइरसबाट ग्रसित महिला फेला परेकी छिन । केही दिनअघि नेपाल आएकी एक एकजना ६० वर्षीय विदेशी महिलामा मंकीपक्सको संक्रमण देखिएको स्वास्थ्य तथा जनसंख्या मन्त्रालयले जनाएको छ । 

उनमा मंकीपक्स भाइरसबाट हुने ‘एमपक्स’ पुष्टि भएपछि अस्पताल भर्ना गरिएको छ । मन्त्रालयका अनुसार ६० वर्षीया एक जना महिलामा मंकीपक्स पुष्टि भएको हो । 

मंकीपक्सको शङ्कास्पद लक्षण देखिएपछि हाल उनको त्रिवि शिक्षण अस्पतालमा उपचार भइरहेको छ । ती महिलाको स्वास्थ्य अवस्था सामान्य रहेको मन्त्रालयले जनाएको छ ।

उक्त विदेशी महिलामा ज्वरो सहित मंक्कीपक्स जस्तै लक्षण देखिए पछि चिकित्सकको सम्पर्कमा पुगेकी थिइन । उनी माथी देखा परेको लक्षण अनुसार संकलन गरिएको  राष्ट्रिय जनस्वास्थ्य प्रयोगशालामा परीक्षण गर्दा उनमा मंक्कीपक्स पुष्टि भएको थियो । 

मंकीपक्सका बिरामी अहिलेसम्म १ सय ११ देशमा फेला परिसकेका छन, नेपालमा भने पहिलो पटक फेला परेको हो । गत बर्ष यसले महामारीको रूप लिएको थियो । 

यो रोग मानिस देखि मानिससम्म वा जनावरबाट मानिसमा सर्ने गर्दछ । सन १९८० मा  बिफर उन्मुलन भए लगतै यो नयाँ रोगका रूपमा देखा परेको  थियो ।