जिम्बाबेविरुद्धको खेलमा कीर्तिमानी शतक पूरा गर्न एक रनले चुके कुशल

३ असार, काठमाडौं । विश्वकप क्रिकेट छनौट खेलमा जिम्बाब्बेविरुद्ध नेपाली टोलीका कुशल भुर्तेलले ब्याटिङमा शानदार प्रदर्शन गरेका छन् ।

खेलको उत्कृष्ट सुरुवाती गरेको नेपालले राम्रो प्रदर्शन जारी राखेको छ । सशक्त ब्याटर भुर्तेलले ९९ रन जोडे । उनी शतक पुर्याउन एक रनमा चुके ।

वेलिङटन मासाकाद्जाले कुशललाई ९९ रनमै सीमित तुल्याइदिए । पच्चानब्बे बल खेलेका उनले १३ चौका र २ छक्का प्रहार गरे । नेपालले जिम्बाब्बेविरुद्ध २ विकेट लिएर १७४ रन जोडेर खेलिरहेका छन् ।

नेपाली टिममा कुशल भुर्तेल, आसिफ शेख, भीम सार्की, रोहित पौडेल, कुशल मल्ल, आरिफ शेख, दीपेन्द्रसिंह ऐरी, गुल्सन झा, सोमपाल कामी, करण केसी, सन्दीप लामिछाने रहेका छन् ।