ज्योति विकास बैंकको संस्थापक शेयर बिक्रीमा

४ असार, काठमाडौं । ज्योति विकास बैँक लिमिटेडले संस्थापक शेयर बिक्रीमा ल्याएको छ । बैँकका केही संस्थापक शेयरधनीहरुले आफ्नो नाममा रहेको आंशिक वा पूरा सेयर बिक्रीको लागि आवेदन दिएपश्चात बैँकले सो शेयर बिक्रीमा ल्याएको हो ।

उक्त सेयर खरिद गर्न इच्छुक विद्यमान संस्थापक शेयरधनीहरुले सूचना प्रकाशित भएको मितिले ३५ दिन भित्र आवश्यक कागजात संकलन गरी बैंकको केन्द्रीय कार्यालय कमलपोखरी काठमाडौंमा के कति शेयर कित्ता शेयर खरिद गर्ने हो खुलाएर आवेदन दिन सक्नेछन् ।

बैँकका अनुसार विद्यमान संस्थापक शेयरधनीहरुबाट तोकिएको समयमा कुनै पनि आवेदन नपरेमा निर्देशिका बमोजिम सो शेयर अन्य व्यक्ति वा संस्था जो कोही लाई बिक्री प्रक्रिया अगाडि बढाइनेछ ।