नेपालमा ल्याइयाे लम्पी स्किनविरुद्धका भ्याक्सिन

५असार, काठमाडौं । मुलुकका ७४ जिल्लामा पशु चौपायामा फैलिएको सम्पी स्किन रोगविरुद्धको भ्याक्सिन नेपाल ल्याइएको छ ।

लम्पी स्किनले महामारीको रुप लिएपनि खुवाउने औषधि वा भ्याक्सिन उप्लब्ध नहुँदा १० हजारभन्दा बढी चौपाया मरिसकेको र ५ लखा बढी पशु संक्रमित भइरहेको अवस्थाबीच पहिलोपटक भ्याक्सिन ल्याइएको हो । 

निजी क्षेत्रका स्वास्थ्यजन्य औषधी तथा सामाग्री आयात गर्दै आइरहेको कान्तिपुर भेट डिष्ट्रिब्यूतर्स प्रालिले उक्त भ्याक्सिन ल्याएको हो । स्किन रोगको रोकथामको लागि ल्याइएको लम्पी स्किन रोगविरुद्ध भ्याक्सिन बितरण सुरु गरेको भेटका संचालक हेमराज बडालले जानकारी दिए । 

सन २०२० मा नेपालमा पहिलोपटक ‘लम्पी स्किन’ रोग देखा परेको थियो । गत फागुनमा पश्चिम क्षेत्रका जिल्लामा देखा परेको यो रोग गाई, गोरु, भैंसी, राँगामा प्रशस्त मात्रामा संक्रमण फैलिएको छ । कुनै किसानका गोठ नै खाली भएको अवस्था पाइएको छ ।

लम्पी स्किनको महामारी रोकथामका लागि तत्काल औषधि र भ्याक्सिन उप्लब्ध गराउन संसदमा समेत दिनहुँ कुरा उठ्दै आइरहेको छ । सरकारले भने लम्पी स्किनविरुद्धको औषधि नेपालमा नरहेको र विदेशबाट मगाउने काम भइरहेको जवाफ दिँदै आइरहेको छ । 

यो रोग लाग्दा पशुको शरीरभरि गिर्खा पर्ने र फोका बनेर पिप निस्कने तथा उच्च ज्वरो आएर खास पानी नै नखाने अवस्थामा पशु पुग्ने गर्दछ । अन्त्यमा मर्ने तहसम्म पुगेका कारण हजारौं किसान चिन्तित् छन् । चाँडो औषधि उप्लब्ध गराउन उनीहरुले माग गर्दै आइरहेका छन् ।