पशुपति क्षेत्र विकास कोष सञ्चालक परिषद्मा सदस्य ढकाल र पराजुली नियुक्त

५ असार, काठमाडौं । पशुपति क्षेत्र विकास कोष सञ्चालक परिषद्को सदस्यमा थप दुई सदस्य नियुक्त गरिएको छ । शिक्षित पराजुली र हरिनाथ ढकाललाई सदस्य नियुक्त गरिएको संस्कृति, पर्यटन तथा नागरिक उड्डयन मन्त्रालयका प्रवक्ता रेवतीरमण अधिकारीले जानकारी दिए । परिषदका अध्यक्ष संस्कृति, पर्यटन तथा नागरिक उड्डयन मन्त्री रहने व्यवस्था छ ।

परिषद्मा राष्ट्रिय योजना आयोगको संस्कृति हेर्ने सदस्य, पशुपतिनाथका मूलभट्ट, संस्कृति, गृह, र भौतिक पूर्वाधार तथा यातायात मन्त्रालयका सचिव, काठमाडौँ महानगरपालिकाका प्रमुख र गुठी संस्थानका अध्यक्ष वा प्रशासकमध्ये एकजना पदेन सदस्य रहने व्यवस्था पशुपति क्षेत्र विकास कोष ऐन, २०४४ मा रहेको छ ।

ऐनबमोजिम बढीमा ७ जना सदस्य कोष सञ्चालक परिषद्मा नियुक्त गर्ने व्यवस्था छ । मन्त्री सुदन किरातीले सदस्यद्वय ढकाल र पराजुलीलाई नियुक्त गरेका हुन् । 

काेषका सदस्य सचिवमा मिलनकुमार थापा छन् । पछिल्लाे चरणमा काेष पशुपति मन्दिरमा सुनकाे जलहरी राख्दा पित्तल बढी मिसाएर १० केजी सुन लुकाएर कराेडाैं रूपैयाँ भ्रष्टाचार गरेकाे विषयमा सचिव थापा तानिएका छन् ।