सवारी दुर्घटनामा परेका सुदूरपश्चिमका कानून मन्त्री सिंहको अवस्था चिन्ताजनक

५ असार, काठमाडौं । मंगलबार दिउँसो सवारी दुर्घटनामा घाइते भएका सुदूरपश्चिमका आन्तरिक मामिला तथा कानुन मन्त्री पृथ्वीबहादुर सिंहसहित ४ जनाको अवस्था चिन्ताजनक रहेको छ ।

घाइते मन्त्री सिंहसहित ४ जनाको अवस्था पनि गम्भीर रहेको बझाङकी सहायक प्रमुख जिल्ला अधिकारी सत्यकुमारी जोशीले बताइन् । उनीहरुलाई सेनाको हेलिकप्टरमार्फत नेपालगन्ज लगिएको छ । चिन्ताजनक अवस्थामा मन्त्री सिंहकी पत्नी अमृता सिंह, बुहारी नाता पर्ने जयादेवी सिंह, अंगरक्षक दिपक भण्डारी छन् । गाडाी चालक धर्मराज जोशीको अवस्था भने खतरामुक्त रहेको बताइन्छ ।

आज १ बजेर ४५ मिनेटमा बझाङको केदारस्यु गाउँपालिका–१ झारछडा स्थित जयपृथ्बी राजमार्गमा मन्त्री सवारी गाडी दुर्घटनामा परेको थियो ।

डडेल्धुराबाट चैनपुर बझाङतर्फ जाँदै गरेको सिंहसहित परिवारका सदस्य सवार सुदूरपश्चिम प्रदेश ०१००१ झ ४८० नम्बरको गाडी बझाङको केदारस्यु गाउँपालिका-१ झारछडास्थित जयपृथ्बी राजमार्गमा दुर्घटनामा परेकाे थियाे । गाडी सडकबाट अन्दाजी ५० मिटर तल कालंगा खोला किनारमा खसेको थियो । गाडी क्षतिग्रष्त भएकाे छ ।