घुस प्रकरणमा प्रहरीका असईविरुद्ध विशेष अदालतमा मुद्दा दायर

६ असार, काठमाडौं । सेवाग्राहीसँग घुस लिएको अभियोगमा पक्राउ परेका सिरहाको इलाका प्रहरी कार्यालय मिर्चैयाको मुद्दा शाखाका प्रहरी सहायक निरीक्षक (असई) सचिनकुमार भदैसवारविरुद्ध विशेष अदालत काठमाडाैंमा मुद्दा दायर भएको छ । 

अख्तियार दुरुपयोग अनुसन्धान आयोगको विशेष टोलीले घुस रकमसहित पक्रउ गरेका उनीविरुद्ध आयोगले मंगलबार भ्रष्टाचार कसुरमा कैद सजाय र जरिवानाको मागदाबी सहित मुद्दा दायर गराएको हो । 

बिगो र कैद सजायको दाबीसहित मुद्दा दायर गरिएको आयोगका प्रवक्ता भोला दाहालले बताए । आयोगले टोलीले भदैसवारलाई विशेष सूचनाको आधारमा आयोगबाट खटिएको टोलीले गत चैत ३० गते मुद्दा मिलाइदिने बहानामा इलाका कार्यालय नजिकैबाट सेवाग्राहीबाट लिएको ९ हजार रुपैयाँ घुस रकमसहित पक्राउ गरेको थियो ।