खुमलटारको धान रोपाइँमा विप्लव

६ असार, काठमाडौं । हालै घोषणा भएको समाजवादी मोर्चाका एक घटक नेकपाका महासचिव नेत्रविक्रम चन्द ‘विप्लव’ ललितपुरको मुखलटार पुगेर किसानसँगै धान रोपाइँमा सहभागी भएका छन् । 

पार्टीको उपत्यका ब्युरोको पहलमा बुधबार गरिएको उक्त धान रोपाइँ महासचिव बिप्लवले धान रोप्दै सुरुवात गरेका छन् । थिए । उक्त धान रोपाइँमा पार्टी विभिन्न तहका नेताहरुसहित स्थानीय नेता कार्यकर्ताहरु सहभागी भएका छन् । 

रोपाईँ सुरु गर्नुअघि अन्तर्राष्ट्रिय श्रमिक गीत गाएका थिए । नेकपाले हरेक जिल्ला पार्टी संगठनलाई उत्पादनको अनिवार्य नीति लागू गर्दै आएको छ । पार्टीले आफ्नै उत्पादनमा पार्टीका नेता कार्यकर्ताले खानेकुराको बन्दोबस्ती गर्नुपर्ने नीति लिएको बताउँदै आएको छ ।