रिडी पावरको आज विशेष साधारणसभा, के-के छन् एजेन्डा ?

८ असार, काठमाडौं । रिडी पावरको शुक्रबार विशेष साधारणसभा बस्दैछ । सभामा ५० प्रतिशत हकप्रद शेयर जारी गर्ने विशेष प्रस्ताव पेस हुँदै छ । यस्तै, हकप्रद शेयर निष्काशन पश्चात् कम्पनीको अधिकृत, जारी तथा चुक्ता पुँजी वृद्धि हुने भएकाले प्रबन्ध पत्र तथा नियमावली संशोधन गर्ने एजेन्डा पनि छ । 

कम्पनीले यस अघिनै ५० प्रतिशत हकप्रद शेयर जारी गर्न विद्युत नियमन आयोगबाट पूर्वस्वीकृति पाएको छ । हाल यस कम्पनीको चुक्ता पुँजी १ अर्ब ५४ करोड रूपैयाँ रहेको छ । यसले सोही पुँजीमा ५० प्रतिशत हकप्रद शेयर जारी गर्न लागेको हो । 

हकप्रद शेयर निष्काशनपछि यसको चुक्ता पुँजी २ अर्ब ३१ रूपैयाँ पुग्नेछ । सभा प्रयोजनका लागि यसले जेठ ३२ गते बुक क्लोज गरिसकेको छ ।