रिलायबल नेपाल लाइफको प्रिमियम मूल्य संशोधन, २९९ रुपैयाँमा आईपीओ निष्काशन गर्न पुनः अनुमति माग्यो

८ असार, काठमाडौं ।  रिलायबल नेपाल लाइफ इन्स्योरेन्सले प्रिमियम मूल्य संशोधन गरेर पुनः बोर्डमा आवेदन दिएको छ । यसअघि कम्पनीले ११२ रूपैयाँ प्रिमियम थप गरेर २१२ रूपैयाँ प्रति कित्ताका दरले आईपीओ निष्काशनको अनुमति मागेको थियो । 

अहिले यसले १९९ रूपैयाँ प्रिमियम थपेर २९९ रूपैयाँमा साधारण  शेयर निष्काशन गर्न अनुमति मागेको छ । रिलायबलले ३ अर्ब ५८ करोड ८० लाख रूपैयाँ बराबरको १ करोड २० लाख कित्ता शेयर जारी गर्न अनुमति मागेको हो । यसको बिक्री प्रबन्धकको काम सिभिल क्यापिटलले गर्नेछ ।