घुम्न जाने हैन त जिरी ! [ फाेटाेफिचर ]

१० असार, काठमाडौं । भौगोलिक रुपमा नेपाललाई दाँज्नै पर्यो भने  विभिन्न देशको नाम लिने गरिन्छ , प्रायः सुरुमा सबैको दिमागमा स्विट्जरल्यान्ड नै आउने गर्छ । हो स्विट्जरल्यान्डको भुगोल नेपालसँग धेरै थोरै मिल्न पनि जान्छ तर नेपालको पनि मुख्य गरी अर्को स्विट्जरल्यान्ड भनेर चिनिने ठाउँ भनेको दोलखाको जिरी हो । राजधानी बाट करिब दुई सय किलोमिटरमा रहेको जिरी साँच्चै नै केही फरक देखिन्छ । काठमाडौंबाट काभ्रे, सिन्धुपाल्चोक, दोलखा कला संस्कृति, भेषभुषा र स्थानीय खाद्य परिकारहरू रहेका छन् ।  

जिरीमा घुम्न  जानको लागी प्रशस्त ठाउँहरू छन पाँच पोखरी, हनुमन्ते डाँडा, गुराँस डाँडा, बुद्ध पार्क, स्टोन पार्क, राम्बोले महादेव, जिरेश्वर मन्दिर, टोनी हेगन ईकोलोजिकल पार्क, चिज फयाक्ट्ररीहरु जिरी नजिकका मुख्य आकर्षण ठाउँहरू हो । जिरी का पर्यटन अभियन्ता भनेर चिनिने तथा जिरी घुम्न जाऔँ फिरिरि भनेर सुरु गर्ने व्यक्ति लीला राम खड्का भन्छन्, राजधानी नजिकको राम्रो पर्यटन क्षेत्रमा  सम्भावना बोकेको क्षेत्र अहिले कसैको मुख मा आउने गरेको छैन जिरी । सगरमाथा को पहिलो प्रवेश द्वार भनेर चिनिने जिरी अहिले सुनसान छ । यसको समाधान गर्न स्थानीय सरकारसँगै केन्द्रीय सरकार को पनि ध्यान जान जरुरी छ । 

पहिला जिरी का होटलहरू  गर्मीको समय मा भरि हुन्थ्यो अहिले त्यो न्यून मा झरिसकेको छ । आन्तरिकसँगै बाह्य पर्यटक को पनि धेरै सम्भावना बोकेको ठाउँ हो जिरी । उनले जिरी को पर्यटन प्रवर्द्धन गर्न धेरै कार्यक्रमहरूको पनि वर्षेनि आयोजना पनि गर्ने । जिरी मा प्रायः घुम्न आउने यहाँको हावा पानी मै रमाउन हो । गर्मी को समयमा गर्मी छल्न नै यहाँ विभिन्न जिल्ला बाट आन्तरिक पर्यटकहरू आउने गर्छन् । यहाँको जिरी चिज र छुर्पी  पनि त्यत्तिकै लोकप्रिय छ ।

यहा आएर आलु , छुर्पी, चिजहरू नलग्ने बिरलै हुन्छन् । स्थानीय उत्पादन ले अझै राम्रो ठाउँ पाउन सक्छ अहिले जिरी सम्म सीमित भयो यसलाई देश भित्रै र बाहिर पनि लान सकिने बताउँछन् स्थानीय व्यापारीहरू ।